Қатаркөл ауылы Досов орта мектебімізде тәрбие жұмысын ұйымдастыруға жәрдемдесетін

«Адал ұрпақ» еріктілер клубының ашылғанына бір жылдай уақыт өтті. Ондағы мақсат-қоғамда адал ұрпақ қалыптастыру бағытында білім мекемелерінде сыбайлас жемқорлыққа қарсы тәрбиелеу жұмыстарын жүйелі жүргізу. Оқушылардың бойында патриоттық рухын оята отырып, елінің патриотты болуға тәрбиелеу. Еріктілер клубының негізгі міндетті-сыбайлас жемқорлыққа қарсы мәдениетті қалыптастыру. Клуб жанында екі топ жұмыс жасайды. Мәселен, жемқорлыққа қарсы білім тобында дәрістер, дөңгелек үстел және басқада ағарту шараларын ұйымдастыруға қатысса, ақпарат пен шығармашылық тобы флеш-моб дайындап, сыбайлас жемқорлыққа қарсы бейне роликтер тусіре отырып, қоғамдық ұйым өкілдерімен кездесулер өткізеді. Клубтың жетекшісі Байбурова Бибинур Тюлюгуновна, тарих пәнінің мұғалімі. Балалармен жұмыс барысында олардың жас ерекшеліктерін ескере отырып, әртүрлі қызықты тапсырмалар береді. Атқарылып жатқан жұмыс келешекте саналы азамат, өз елінің патриоттарын тәрбиелеуге мүмкіндік береді деген сенімдеміз. Ұлтымыздың болашағын тәрбиелеу мектеп қабырғасынан басталмақ.