Қаңтар қасіреті төбемізден су құйып жібергендей, жантүршігерлік оқиға болды. Ішіне арам пиғылын жасырған арандатушылар халықты осы жағдайға жеткізді. Санамыздың түкпірінде, жүрегіміздің төрінде орын алған тәуелсіздігімізден айырылып қалардай үрей болды, бүкіл қоғамды дүр сілкіндірді. Халқымыз бұрын-соңды болмаған қауіп-қатермен бетпе-бет келді. Мемлекетіміздің тұтастығына және егемендігімізге зор қауіп төнді. Осы күндерде жұртымыз Тәуелсіздіктің қадір-қасиетін жан-жүрегімен сезінді. Татулық пен тұрақтылық, тыныштық пен бейбітшілік қаншалықты маңызды екенін жете түсінді. татулық пен тыныштықта күн кешетін болсақ, біздің еліміз қарыштап дами бермек! Көк аспанда желбіреген көк туымыз бұдан кейін ешқашан төмен түсірілмей, байрағымыз мәңгілік желбіреп тұрсын!